منتديات مطبخ سمسمتى  

الإهداءات


الطبخ طرق لوصفات طبخ مصورة خطوة بخطوة وبالتفصيل

Tags H1 to H6

منتديات مطبخ سمسمتى

محشى ورق العنب من مطبخى

محشى ورق العنب من مطبخى
إضافة رد
  #1  
قديم 05-02-2012, 06:55 PM
الصورة الرمزية اتوته بطوطه
اتوته بطوطه اتوته بطوطه غير متواجد حالياً
سمسمة مبدعة
 
تاريخ التسجيل: Dec 2010
الدولة: مصر
المشاركات: 1,235
اتوته بطوطه سيصبح متميزا في وقت قريب
klgu محشى ورق العنب من مطبخى



سمسماتى حبيباتى رفيقاتى فى الكفاح المطبخى المسلح
النهارده جايبالكم محشى ورق العنب على طريقتى الخاصه
يارب يعجبكم
نبدأ على طول مع بعض


المقادير

1\2 كجم ورق عنب
2 كوب أرز مصرى
2 معلقه ك زيت نباتى( ممكن سمنه او زبده)
1 بصله متوسطه
1 كجم طماطم (أو 1 كوب صلصه متسبكه)
1 معلقه ص كمون
1\2 معلقه ص فلفل أسمر
1\2 معلقه ص كزبره ناشفه
1\2 معلقه ص بابريكا
1\4 معلقه ص بهارات مشكله
ملح حسب الرغبه
2 كوب شوربه
150 جم لحم مفروم(ممكن أقل أو أكتر أو من غير لحم خالص ده إختيارى)
1 معلقه ص نعناع جاف مفروم
6 معالق ك خضره مشكله مفرومه(بقدونس وشبت وكزبره)
2 فص توم (اختيارى)


الطريقه

بحط حله على النار وفيها الزيت والبصله مفرومه ناعم
وبستنى علي البصله لحد ما تتدبل وتبدأ تصفر



بضرب الطماطم فى الخلاط وبنزل بيها فوق البصله
وبحط كل التوابل والملح ... ماعدا النعناع الجاف والخضره



بسيب الطماطم على نار هاديه لحد ماتوصل للسمك اللى انا عاوزاه
وحنسيبها لحد ما تبرد ....




ده ورق العنب أنا بحب أفرزه بالورقه وبرصه فوق بعضه عشان يسهل عليا الشغل
وحتلاحظو انى مارمتش العيدان بتاعه الورق
دى بقى اللى فيها السر كله ......



حله على النار فيها ماء وعليه عصير ليمونه وأول ما يغلى ببدأ فى سلق ورق العنب



أول ما لونه يتغير يبقى كده خلاص جاهز على اللف
هوا مش بياخد وقت خالص
بكمل بقيه الكميه بنفس الطريقه



بطلع ورق العنب فى علبه تلاجه فيها ميه بارده وبحاول أحافظ على رصته عشان يريحنى وانا بلفه



ده الرز غسلته كويس ونقعته 1\4 ساعه وبعدين صفيته
حطيت عليه اللحمه المفرومه و صلصه الطماطم اللى حضرتها ونزلت بالخضره المفرومه والنعناع الجاف وقلبتهم كويس أوى
وكده احنا جاهزين نلف ورق العنب....



دى الحله اللى انا عملت فيها صلصه الطماطم ماحبتش أغسلها
فرشت فيها ورقتين من ورق العنب اللى مش حستخدمهم فى اللف(بيكونوا كبار اوى وفيهم خشونه)
بحط عليهم نص كميه العيدان اللى إحتفظت بيهم من ورق العنب بتدى مزازه تحفه للمحشى ... جربوها على ضمانتى
وبحط كمان فص توم مقطع بيدى ريحه جميييييييييييييله جدا مع ورق العنب وطبعا ده إختيارى اللى مالوش فى التوم بلاش يحطه ومممكن بداله فلفل اخضر مقطع حسب رغبتك



ببدأ الف ورق العنب حسب ما أنا بفضل حجمه واللى عنده ماكينه اللف طبعا براحته ..انا شخصيا بلف على ايدى
ودى أول رصه فى الحله



وده رابط بيوضح بالخطوات المصوره طريقه لف ورق العنب



حكمل لف بقيه الورق بنفس الطريقه ونفس الحجم لحد ماتخلص الكميه كلها
بحط على الوش بقيه عيدان ورق العنب ومعاها كمان فص توم مقطع(او فلفل اخضر)



بحط الحله على النار وبحط عليها طبق وبنزل بمقدار الشوربه(المرقه) وتكون سخنه
وبسيبها على نار متوسطه لحد ماتشرب السائل اللى فيها



بهدى عليها النار وأسيبها تستوى براحتها خالص
بعد ما بتستوى انا بعمل تكه صغيره بس بتفرق كتيييييييييييييير
بجيب معلقه ص زيت نباتى وبعصر عليه ليمونه كبيره
بخلطهم كويس وبنزل بيهم فوق حله ورق العنب
بيدى طعم ولمعه ماحصلتش للمحشى....



وده شكله المحشى فى طبق التقديم
مع شرائح خيار وجزر وأكيييييييييييد شرائح الليمون



ومش ممكن حيكمل ورق العنب من غير سلطه الزبادى



الطبق ده بقى بتاع آدم حبيبى وهوا اللى عمله بالشكل ده
انا يدوب قطعتله الخضار وهوا اللى رصه كده وحط معاه حته فرخه مشويه ....





أتمنى يكون الطبق نال إعجابكم
ألقاكم على خير فى وصفه جديده ان شاء الله
دمتم فى حفظ الله ورعايته








__________________


لولا إيماني لأصبحت مجنوناّ ,,, فــ كيف يمكن أن تصمد أمام كل هذا المنكر وهذا الظلم دون إيمان ؟
وحدها التقوى تعطيك القدرة على الصمود ! !

التعديل الأخير تم بواسطة اتوته بطوطه ; 05-02-2012 الساعة 08:38 PM
رد مع اقتباس
  #2  
قديم 05-02-2012, 07:08 PM
الصورة الرمزية smsmty
smsmty smsmty غير متواجد حالياً
smsmty
 
تاريخ التسجيل: Sep 2009
الدولة: رأس البر
المشاركات: 5,211
smsmty تم تعطيل التقييم
إرسال رسالة عبر Yahoo إلى smsmty
افتراضي

بأمانة ربنا جوعت
ماشاء الله
صوابع إيه ....
ولمعان إيه....
وجمال إيه....
الله يخرب بيت إللى فى بااااااااااااااااالى
بجد 10 على 10 ياست
تسلم إيديك وصوابعك الحلوة إللى لفت لينا أحلى محشى (تقوليش كلنا منه إيه الأوفر إللى أنا فيه ده ) هههههههههههه
رد مع اقتباس
  #3  
قديم 05-02-2012, 07:44 PM
الصورة الرمزية koki
koki koki غير متواجد حالياً
سمسة مبدعة بلا حدود
 
تاريخ التسجيل: Oct 2010
الدولة: سبحان الله وبحمد سبحان الله العظيم
المشاركات: 2,679
koki على طريق التميز
افتراضي

جه في وقته ياجميل
تسلمي ريحته واصله لحد عندييييي يمييييمييييي
هنيااااااااااااااااااااااااا
__________________

اللهم ان نمت على ضيق فأيقظني على فرج و ان نمت على حزن فأيقظني على فرح و ان نمت على عسر فأيقظني على يسر و ان نمت على يأس فأيقظني على أمل و ان نمت على دعائك فأيقظني على استجابه منك و ان نمت مذنبا مقصرا فأيقظني على مغفره و عفو منك يا عفو يا كريم يا أرحم الراحمين يارب العالمين اللهم تقبل من كل من قال اميــــــــــــــن يارب
رد مع اقتباس
  #4  
قديم 05-02-2012, 08:06 PM
الصورة الرمزية همس الحنين
همس الحنين همس الحنين غير متواجد حالياً
سمسمة مشرفة منتدى مشروبات وآيس كريم
 
تاريخ التسجيل: Dec 2009
الدولة: امريكا
المشاركات: 3,029
همس الحنين عطاءه مستمرهمس الحنين عطاءه مستمرهمس الحنين عطاءه مستمرهمس الحنين عطاءه مستمر
إرسال رسالة عبر MSN إلى همس الحنين
افتراضي

ايه الجمال ده يا اتوته ماشاء الله يا قمررر
تحفففففففه انا بموت فى ورق العنب مع السلطات والفراخ المشويه زي مانتى عامله بالظبط

اديني بقى الطبق الحلو ده
رد مع اقتباس
  #5  
قديم 05-02-2012, 09:00 PM
الصورة الرمزية رضوى
رضوى رضوى غير متواجد حالياً
سمسمة مدهشة
 
تاريخ التسجيل: Sep 2011
الدولة: مصر
المشاركات: 659
رضوى على طريق التميز
افتراضي

تسلم ايدك وايد ادم السكر
طبق اكثر من رائع
وطبق ادم كمان جميل
يسلمووووووو






__________________





رد مع اقتباس
  #6  
قديم 05-02-2012, 10:45 PM
الصورة الرمزية jojo
jojo jojo غير متواجد حالياً
سمسمة مشرفة الأقسام العامة
 
تاريخ التسجيل: Oct 2010
الدولة: مصر
المشاركات: 4,246
jojo على طريق التميز
افتراضي

ياااااااه ياتوته انت كده دوستي علي الجرح
منزله وصفه انا بحبها جدا جدا جدا
ده غير طريقة الوصفه
ده غير طريقة التقديم
وكل ده كوم وانها من ايدك ياجميل
ده كوم تاااااااااااااااااااااااني خالص
تسلم الايادي ياقمر
وصفه ولا اروع من كده
وجامده اخر حاجات دمتي متألقه ياقمر
وفي انتظار المذيد والمذيد من وصفاتك الرائعه

رد مع اقتباس
  #7  
قديم 05-03-2012, 06:23 AM
الصورة الرمزية أم السكر والعسل
أم السكر والعسل أم السكر والعسل غير متواجد حالياً
سمسمة مشرفة منتدى الطبخ
 
تاريخ التسجيل: Nov 2009
الدولة: الجيزة
المشاركات: 2,889
أم السكر والعسل مدهشأم السكر والعسل مدهشأم السكر والعسل مدهش
افتراضي

تسلم الايادى
حاجة حلوة اوى
اخر جمال
مانتحرمش من وصفاتك الرائعة
رد مع اقتباس
  #8  
قديم 05-03-2012, 08:23 AM
الصورة الرمزية lalaa
lalaa lalaa غير متواجد حالياً
مشرفة منتدى الطبخ
 
تاريخ التسجيل: Nov 2009
الدولة: UAE
المشاركات: 4,925
lalaa عطاءه مستمرlalaa عطاءه مستمرlalaa عطاءه مستمرlalaa عطاءه مستمر
إرسال رسالة عبر MSN إلى lalaa إرسال رسالة عبر Yahoo إلى lalaa
R5T

ماشاءالله بجد جميييييييييييييييييييييل اوى اوى

بس الرحمة حلوة يا اتوتة انتي جريتي ريقي على المحشي ومش هقدر احشى من كتاكيتيي اللى سهرانيين ليل نهار ..

اعمل اييه انا بئا دلوقتى ؟؟؟

تسلم ايدك وايد ادم بنا يفرحك بيه ديما ياب

وصحة وعافية يا جميل


ااااااااااااااااااااااااااااااااااااااه ييانى
رد مع اقتباس
  #9  
قديم 05-03-2012, 07:32 PM
الصورة الرمزية داليا
داليا داليا غير متواجد حالياً
سمسمة مشرفة منتدى الشرح والدروس
 
تاريخ التسجيل: Jan 2010
الدولة: مصر
المشاركات: 4,842
داليا عطاءه مستمرداليا عطاءه مستمرداليا عطاءه مستمرداليا عطاءه مستمر
إرسال رسالة عبر AIM إلى داليا
افتراضي

بسم الله ما شاء الله
بجد طريقة جميلة
ده غير تكاتك الجامدة
تسلمي يااتوتة
ويارب مايحرمنا منك ولا من وصفاتك الجميلة
رد مع اقتباس
  #10  
قديم 05-03-2012, 08:37 PM
الصورة الرمزية فسدقة العفريتة
فسدقة العفريتة فسدقة العفريتة غير متواجد حالياً
سمسمة مشرفة منتدى الإقتصاد المنزلى{ ملكة الشيكولاتة }
 
تاريخ التسجيل: Sep 2010
الدولة: أم الدنيا مصر
المشاركات: 6,799
فسدقة العفريتة عطاءه مستمرفسدقة العفريتة عطاءه مستمرفسدقة العفريتة عطاءه مستمرفسدقة العفريتة عطاءه مستمر
افتراضي




آآآآآآآآآآآآآآآآآآآآآآآآه ياقلبي

وغلاوتك عندي أنا شفته من هنا

وطلعت أجري عالمطبخ أجهز التسبيكة بتاعته للأسبوع الجاي

أصلي عقبال عندكم عندي امتحانات في المدرسة وبيبقي عليا الغدا في يوم

بس أنا مش هاعمل ورق عنب بقي

أنا هأعمل تشكيلة

كرنب

باذنجان

كوسة

فلفل

هأبقي أصوره وهو بياتكل في الشغل وأفرجكم المنظر

ههههههه بيبقي بالضرب

سيبك انت بقي من القصة دي وتعالي لما أقولك كلمة في سرك

وإوعي تقولي لحد عليها

إيه الحلاوة والطعامة والسمسمة والشياكة واللذاذة دي؟

روحي ياشيخة إلهي يعمر بيتك بجنينة عنب مليانة ورق علشان

تتحفيهم كل يوم بشوية محشي في العضل زي دول

وتسلم لي إيديكي وعينيكي وودانك انا أه ماعرفش إيه دخلها في

الموضوع بس أهو تسلملي كل أعضائك يااااااااااااااااااااااااااااااا

عملاقة

بجد بجد بجد حاجة تفتح النفس وتريح الأعصاب ياشيخة والله

ربنا يديكي ألف صحة وعافية وهنا وسعادة و ...و .... و ....إلخ

إلخ إلخ





__________________
اللهم لك الحمد حتي ترضي ولك الحمد إذا رضيت ولك الحمد بعد الرضا











رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:26 AM.


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir