منتديات مطبخ سمسمتى  

الإهداءات


العودة   منتديات مطبخ سمسمتى > الشرح والدروس > الطبخ > طيور
Tags H1 to H6

منتديات مطبخ سمسمتى

فرخه مشويه بتتبيله الكاتشب والزعتر من مطبخى

فرخه مشويه بتتبيله الكاتشب والزعتر من مطبخى
إضافة رد
  #1  
قديم 03-27-2012, 09:44 AM
الصورة الرمزية اتوته بطوطه
اتوته بطوطه اتوته بطوطه غير متواجد حالياً
سمسمة مبدعة
 
تاريخ التسجيل: Dec 2010
الدولة: مصر
المشاركات: 1,235
اتوته بطوطه سيصبح متميزا في وقت قريب
ou فرخه مشويه بتتبيله الكاتشب والزعتر من مطبخى



سمسماتى حبيباتى

النهارده جايبالكم أولى وصفاتى فى موضوع ضيف شرف سمسمتى

الفراخ المشويه بتتبيله الكاتشب والزعتر
أتمنى تنال إعجابكم

نبدأ على طووووووووووووووووول

المقادير

1 فرخه متوسطه لا تزيد عن 2 كجم(يفضل كيلو ونص عشان حنعملها كامله مش حنقطعها)
1 بصله متوسطه
3 معلقه ك كاتشاب (عادى او حار حسب ذوقك)
1 معلقه ك زعتر جاف (ولو فيه فريش ممكن بس كفايه منه 1 معلقه ص)
1 معلقه ص فلفل اسمر مجروش خشن
1 معلقه ك خل
1 ليمونه معصوره
ملح حسب الرغبه

الطريقه

بغسل الفرخه كويس اوى (بالطريقه اللى متعودين عليها) وبحطها على لوحه التقطيع بس على وشها(الصدر لتحت)



بفتحها من الظهر وبشيل منها العمود الفقرى كله وبكسرالعضمه اللى ماسكه الصدرين فى بعض وأضغط عليها اوى بإيدى وبشطفها تانى كويس وأسيبها تصفى ميتها



بحطها فى طبقه على ضهرها وأعمل فيها فتحات عشان تشرب من التتبيله كويس



بحط البصله فى الكبه وأفرمها ناعم وبعدين اطلعها فى طبق وأحط عليها الكاتشاب والفلفل الأسمر والزعتر والخل وعصير الليمون والملح وأخلطهم كويس

بحط الفرخه فى صينيه فرن وأحط عليها التتبيله وأتأكد انها اتغطت كويس





بغطيها وأدخلها التلاجه ليله كامله
((ولو مستعجلين عليها يبقى نقطعها 4 قطع ونتبلها 4 ساعات كفايه))

تانى يوم بطلعها من التلاجه حنلاقيها منزله ميه كتير بصفيها كويس



بحطها على البوتاجاز من فوق على نار متوسطه وأغطيها واستنى عليها حوالى 20 دقيقه
وكده انا حضمن انها سخنت أوى من جوه ودخلت فى السوى ومش حتاخد منى نار فى الفرن وتنشف ...



بعد كده بطلعها من الصينيه على شبكه الفرن اللى بكون مسخناه من قبلها على درجه 200 م ونحاول ما نقلبهاش كتير عشان انا عايزاها تفضل محتفظه بشكلها من غير ما تتقطع منى
يدوب بقلبها 3 مرات لحد ماتاخد اللون المفضل وأتأكد انها استوت تمام







وأخر حاجه بحب أعملها بحرق حته فحم وأحطها فى درج شبكه الفرن على الدهون اللى نزلت من الفرخه وأقفل الفرن بسرعه حتعمل دخان كتير وتتدينا ريحه الشوى على الفحم وصدقونى حتفرق اوى اوى فى ريحه الفرخه
اللى يحب يخليها فى الصينيه ويكمل سواها فى الفرن وبعدين يبقى يحمرها تحت الشوايه ممكن طبعا بس انا بفضل الطريقه بتاعتى عشان بتكون صحيه أكتر وبضمن ان كل الدهون اللى فيها تنزل على درج الشبكه ......

وده الشكل النهائى يا رب تجربوها وتعجبكم



بقدمها مع سلطه خضرا وبطاطس محمره وكاتشاب...
وممكن كمان جمب اى نوع رز او مكرونه او محاشى حسب ذوق كل واحد

وبالهنا والشفا



__________________


لولا إيماني لأصبحت مجنوناّ ,,, فــ كيف يمكن أن تصمد أمام كل هذا المنكر وهذا الظلم دون إيمان ؟
وحدها التقوى تعطيك القدرة على الصمود ! !

التعديل الأخير تم بواسطة اتوته بطوطه ; 01-19-2013 الساعة 07:22 PM
رد مع اقتباس
  #2  
قديم 03-27-2012, 10:17 AM
الصورة الرمزية jojo
jojo jojo غير متواجد حالياً
سمسمة مشرفة الأقسام العامة
 
تاريخ التسجيل: Oct 2010
الدولة: مصر
المشاركات: 4,246
jojo على طريق التميز
افتراضي

يا اتوته ياجامد
لأبجد عوده محموده
اولا حمد لله علي السلامة ياقمر
ثانيا نورتينه بالوصفه الجميله دي
بجد شكل الطبق تحفه
ويفتح النفس تسلم الايادي ياقمر
ومنتظرين جديدك دائما


رد مع اقتباس
  #3  
قديم 03-27-2012, 11:22 AM
الصورة الرمزية فسدقة العفريتة
فسدقة العفريتة فسدقة العفريتة غير متواجد حالياً
سمسمة مشرفة منتدى الإقتصاد المنزلى{ ملكة الشيكولاتة }
 
تاريخ التسجيل: Sep 2010
الدولة: أم الدنيا مصر
المشاركات: 6,799
فسدقة العفريتة عطاءه مستمرفسدقة العفريتة عطاءه مستمرفسدقة العفريتة عطاءه مستمرفسدقة العفريتة عطاءه مستمر
افتراضي

يابنتي

حرام عليك كده والله أنا صاحية مكتئبة ومتنيلة وبأقول ياصبح لسه ألاقيكي

منزلالي القنبلة دي وأنا برضه نفسي مسدودة وحالتي عدم والله شكلك

مستقصداني كل ماأبقي تعبانة وطهقانة وقرفانة تنزلي حاجة من إبداعاتك

مش عارفة ليه ؟ آآآآآآآآآآآآآآآآآآه فهمت تكونيش بتخافي آكل الحاجة

بتاعتك يابت انت؟ يالهوي باين عليا كده أخدت سمعة زي الزفت عالمنتدي

إهئ إهئ إهئ هي كانت ناقصة يعني يللا بجملت

بس سيبك انت حتة فرخة لايعلي عليها ماشاء الله لاقوة الا بالله حاجة ولا أروع

ولا أشهي من كده بألف هنا وشفا ياحبيبتي ومطرح مايسري يمري ياست الكل

تسلم الأيادي ياجميل






__________________
اللهم لك الحمد حتي ترضي ولك الحمد إذا رضيت ولك الحمد بعد الرضا











رد مع اقتباس
  #4  
قديم 03-27-2012, 11:23 AM
الصورة الرمزية smsmty
smsmty smsmty غير متواجد حالياً
smsmty
 
تاريخ التسجيل: Sep 2009
الدولة: رأس البر
المشاركات: 5,211
smsmty تم تعطيل التقييم
إرسال رسالة عبر Yahoo إلى smsmty
افتراضي

ماشاء الله جميلة قوى
عارفة إيه أكتر صورة عجبتنى
شكل الفرخة قبل التتبيل
هههههههههههه
شكلها حلوة قوى ونظيفة قوى ههههههههههه
ماشاء الله
عاشت إيديك إللى بتعملينا كل حاجة حلوة
رد مع اقتباس
  #5  
قديم 03-27-2012, 07:41 PM
الصورة الرمزية koki
koki koki غير متواجد حالياً
سمسة مبدعة بلا حدود
 
تاريخ التسجيل: Oct 2010
الدولة: سبحان الله وبحمد سبحان الله العظيم
المشاركات: 2,679
koki على طريق التميز
افتراضي

يمييييييييميميييييييي
تسلممممممممم اييييييييييييييييييييييييييييييييييييييدك
__________________

اللهم ان نمت على ضيق فأيقظني على فرج و ان نمت على حزن فأيقظني على فرح و ان نمت على عسر فأيقظني على يسر و ان نمت على يأس فأيقظني على أمل و ان نمت على دعائك فأيقظني على استجابه منك و ان نمت مذنبا مقصرا فأيقظني على مغفره و عفو منك يا عفو يا كريم يا أرحم الراحمين يارب العالمين اللهم تقبل من كل من قال اميــــــــــــــن يارب
رد مع اقتباس
  #6  
قديم 03-27-2012, 08:27 PM
الصورة الرمزية أم السكر والعسل
أم السكر والعسل أم السكر والعسل غير متواجد حالياً
سمسمة مشرفة منتدى الطبخ
 
تاريخ التسجيل: Nov 2009
الدولة: الجيزة
المشاركات: 2,889
أم السكر والعسل مدهشأم السكر والعسل مدهشأم السكر والعسل مدهش
افتراضي

روووووووووووووووووووعة تسلم ايدك
الريحة وصلتنى يااتوتة
جوعتنى يابنتى
وصفة سهلة وجميلة وشهية جدا
رد مع اقتباس
  #7  
قديم 03-27-2012, 08:32 PM
الصورة الرمزية lalaa
lalaa lalaa غير متواجد حالياً
مشرفة منتدى الطبخ
 
تاريخ التسجيل: Nov 2009
الدولة: UAE
المشاركات: 4,925
lalaa عطاءه مستمرlalaa عطاءه مستمرlalaa عطاءه مستمرlalaa عطاءه مستمر
إرسال رسالة عبر MSN إلى lalaa إرسال رسالة عبر Yahoo إلى lalaa
WW

حمدلله على سلامتك ... أجر وعافية ان شاء الله

روووووووووووووووعة يا اتوتة ... ماشاءالله عليكى والتتبيلة جميلة اوى



تسلم ايديك يا جميل ...
رد مع اقتباس
  #8  
قديم 03-27-2012, 11:45 PM
الصورة الرمزية ام رضوى
ام رضوى ام رضوى غير متواجد حالياً
سمسة مبدعة بلا حدود
 
تاريخ التسجيل: Jun 2010
الدولة: مصر
المشاركات: 2,076
ام رضوى سيصبح متميزا في وقت قريب
افتراضي

ياعينى يا عينى ياسيدى يا سيدى على الحاجات
الحلوه دى ماشاء الله عليكى جميلة اووووى

رد مع اقتباس
  #9  
قديم 03-28-2012, 08:29 AM
الصورة الرمزية داليا
داليا داليا غير متواجد حالياً
سمسمة مشرفة منتدى الشرح والدروس
 
تاريخ التسجيل: Jan 2010
الدولة: مصر
المشاركات: 4,842
داليا عطاءه مستمرداليا عطاءه مستمرداليا عطاءه مستمرداليا عطاءه مستمر
إرسال رسالة عبر AIM إلى داليا
افتراضي

مشاء الله عليكي ياقمر
تسلم ايديك وعنيكي
بارك الله فيكي
رد مع اقتباس
  #10  
قديم 03-29-2012, 09:10 AM
الصورة الرمزية اتوته بطوطه
اتوته بطوطه اتوته بطوطه غير متواجد حالياً
سمسمة مبدعة
 
تاريخ التسجيل: Dec 2010
الدولة: مصر
المشاركات: 1,235
اتوته بطوطه سيصبح متميزا في وقت قريب
مصر

اقتباس
 مشاهدة المشاركة المشاركة الأصلية كتبت بواسطة jojo
يا اتوته ياجامد
لأبجد عوده محموده
اولا حمد لله علي السلامة ياقمر
ثانيا نورتينه بالوصفه الجميله دي
بجد شكل الطبق تحفه
ويفتح النفس تسلم الايادي ياقمر
ومنتظرين جديدك دائما



الله يسلمك يا جوجو ميرسى يا قمر
وتسلمى على تعليقك الجميل
نورتى الموضوع حبيبتى

__________________


لولا إيماني لأصبحت مجنوناّ ,,, فــ كيف يمكن أن تصمد أمام كل هذا المنكر وهذا الظلم دون إيمان ؟
وحدها التقوى تعطيك القدرة على الصمود ! !
رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:27 AM.


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir