منتديات مطبخ سمسمتى  

الإهداءات


أسأل وسمسمتى تجيب لأى سؤال يخص الأعضاء حول الطبخ او المكونات أو حتى الأدوات

Tags H1 to H6

منتديات مطبخ سمسمتى

عندى عزومة

عندى عزومة
إضافة رد
  #1  
قديم 07-30-2011, 07:05 AM
الصورة الرمزية أم السكر والعسل
أم السكر والعسل أم السكر والعسل غير متواجد حالياً
سمسمة مشرفة منتدى الطبخ
 
تاريخ التسجيل: Nov 2009
الدولة: الجيزة
المشاركات: 2,891
أم السكر والعسل مدهشأم السكر والعسل مدهشأم السكر والعسل مدهش
افتراضي عندى عزومة

ياسمسمات عندى عزومة
اول جمعة فى رمضان
ل9 افراد و6 اطفال
افيدونى اعمل ايه وخصوصا للاطفال
وعايزة حلويات بس مش فى الفرن
عشان مخى تعب من التفكير

وكل سنة وانتم طيبين
رد مع اقتباس
  #2  
قديم 07-30-2011, 07:45 AM
الصورة الرمزية همس الحنين
همس الحنين همس الحنين غير متواجد حالياً
سمسمة مشرفة منتدى مشروبات وآيس كريم
 
تاريخ التسجيل: Dec 2009
الدولة: امريكا
المشاركات: 3,030
همس الحنين عطاءه مستمرهمس الحنين عطاءه مستمرهمس الحنين عطاءه مستمرهمس الحنين عطاءه مستمر
إرسال رسالة عبر MSN إلى همس الحنين
افتراضي

ربنا يقويكي يا ام السكر والعسل
بصى انتى ممكن تعملى صينيه مكرونه بالبشاميل وصينيه جلاش باللحمه
وفراخ مشويه فى الفرن
ورز معمر واى صنف طبيخ تحبوه
والسلطات بقى وماتنسيش الشيبسى
او ممكن تعملى محاشى متنوعه
يعني كرنب وورق عنب وخرشوف وكوسه وبصل وممبار
وبردوا مع فراخ ولحمه او كفته والسلطات وبردوا ماتنسيش الشيبسي

امممممم دول الى فبالى دلوقتى واستني هافكر وهابقى ارجع لك باقتراحات تانى

اه وممكن الحلو تعملى رز بلبن وجيلي الاطفال بيحبو الجيلي وممكن تعملى ام على
او ريحي دماغك واشتري طبق حلويات مشكله جاهز الى بيبقى فيه كنافه وجلاش حلو وحاجات من دى

ومش فاكره بقى اما اجى تانى هاكون فكرتلك فى حاجه كمان وهاقول لك
رد مع اقتباس
  #3  
قديم 07-31-2011, 01:14 AM
الصورة الرمزية فسدقة العفريتة
فسدقة العفريتة فسدقة العفريتة غير متواجد حالياً
سمسمة مشرفة منتدى الإقتصاد المنزلى{ ملكة الشيكولاتة }
 
تاريخ التسجيل: Sep 2010
الدولة: أم الدنيا مصر
المشاركات: 6,802
فسدقة العفريتة عطاءه مستمرفسدقة العفريتة عطاءه مستمرفسدقة العفريتة عطاءه مستمرفسدقة العفريتة عطاءه مستمر
افتراضي

السلام عليكن ورحمة الله وبركاته

أولاً كل سنة وأنتن جميعاً بصحة وبخير

ثانياً الله يعينك ياأم السكر علي المأساة دي أصل أي عزومة انا

باسميها مأساة وخصوصاً لو كانت في رمضان

ثالثاً بئه وده المهم الرد علي سؤالك مع احترامي لرأي هموسة

العزيزة

أنا شايفة إن كل الأصناف الرئيسية الموجودة في القايمة دي

نشويات يعني مكرونة وجلاش ومحاشي وطبعاً ده مينفعش لازم

تنوعي الوجبة بحيث تحتوي علي كل العناصر الغذائية اللازمة

للجسم وخصوصاً إننا هنكون في صيام يعني الجسم مفتقد

للعناصر دي جداً

معني كده إنك لازم تنوعي في الأصناف مابين الكربوهيدرات أو

اللي بنسميها مجازاً النشويات وبين الدهون اللي طبيعي هتكون

موجودة في اللحوم أو الطيور أو المادة الدهنية اللي هتطبخي

بيها وبين البروتينات وبين الفيتامينات والأملاح المعدنية

ده من الناحية الصحية

يعني باختصار شديد

يا حبيبتى بصفة عامة لازم تكونى عاملة من كل نوع

صنف ده في الاول

يعنى ايه

يعنى النشويات يكون في منها صنف

والخضار صنف

والسلطة صنف

والشوربة صنف

واللحوم صنف

ده الكلام ده لو حتى ما فيش عزومة يعنى في يومك العادي

علشان يبقي الاكل صحي علي الاقل

معايا لحد كدة

علي هذا الاساس بقي لازم تعملي حسابك لما يبقي عندك افراد

زيادة او عزومات تلعبى علي نفس الخطة دي بس تزودى في

المقادير والكميات وتعملي من كل صنف نوعين

انا شخصيا لما يبقي عندى ضيف بطبخ نوعين خضار مثلا

ونوعين لحوم مثلا ونوعين نواشف

خللي بالك ده مش علشان الزيادة بس ده كمان علشان الضيف

لو مش بيحب حاجة ياكل التانية

من الناحية التنظيمية بئه أو إتيكيت العزومات مينفعش تعملي

عزومة كلها محاشي لأنها مبتكونش بالرقي المطلوب

وبرضه اللحمة مينفعش تكون لحمة كده عادية ممكن تكون

اسكالوب بانيه هتكون ارقي وأشيك أما بالنسبة للفراخ أنا أوكي

معاكي إنها تكون مشوية وممكن بانيه برضه

علي كل حال أنا مش هاتوهك كتير

ادخلي بس علي الرابط ده واختاري اللي يعجبك



شوفي كمان الرابط ده





برده ملاحظه تانيه

لما تعملي عزومة مافيش داعيى للافتكاسات يعنى الاختراعات بالعكس اعملي الحاجات العادية التقليدية المجربة (بصراحة كمان علشان ما تحرجيش الضيف افرضي عملتيله سلطة مايونيز بالشامبينيوه وطلع يا حبة عينى ما يعرفش غير المحشى بتاع امه يبقي كدة احرجتيه ولا لأ ) ايه رأيك وعلشانك انتى برضه افرضي باظت منك لا قدر الله


2- اعملي الحاجات اللي سهلة في التقديم والغرف والاكل يعنى كل ما تعملى حاجة تتاكل بالايد او الملعقة اقصي حاجة (شفتى اقصى حاجة الملعقة ) يبقي احسن علشان مش هايسرك قوى منظر ضيوفك وهما محتارين ومكسوفين مش عارفين يغرفوا حاجة او ياكلوها

3- الحلويات برده ابعدى عن الكريمات والملزقات (يعنى الحاجات اللي بتبوظ ايد الواحد بسرعة ) والمدلعات فاهمانى طبعا (برده علشان وعلشان ما تتعبيش في التقديم للناس)

4- العصاير خليها حاجة اساسية علشان الواحد بيحب يشرب حاجة بعد الاكل
وخليها برده حاجة تقليدية ومعروفة

اساسيات
لازم طبعا تقديم شوربه سلطات مخللات عشان لو نسيت حاجه وطبعا الخبز وعصاير وحاجه حلوه



ويارب أكون قدرت أفيدك من واقع خبرتي الدراسية المتواضعة

وآسفة مرة تانية ليكي ياهمس ولكن الاختلاف في الرأي لايفسد

للود قضية

وكل عام وأنتن جميعاً بخير
__________________
اللهم لك الحمد حتي ترضي ولك الحمد إذا رضيت ولك الحمد بعد الرضا












التعديل الأخير تم بواسطة فسدقة العفريتة ; 08-01-2011 الساعة 03:11 PM
رد مع اقتباس
  #4  
قديم 07-31-2011, 01:28 AM
الصورة الرمزية فسدقة العفريتة
فسدقة العفريتة فسدقة العفريتة غير متواجد حالياً
سمسمة مشرفة منتدى الإقتصاد المنزلى{ ملكة الشيكولاتة }
 
تاريخ التسجيل: Sep 2010
الدولة: أم الدنيا مصر
المشاركات: 6,802
فسدقة العفريتة عطاءه مستمرفسدقة العفريتة عطاءه مستمرفسدقة العفريتة عطاءه مستمرفسدقة العفريتة عطاءه مستمر
افتراضي




وخدي عندك كمان


اختاري صنفين بس من كل مجموعة

اولا قائمه اللحوم
1- ديك رومى
يفضل لو العدد كبير لانه طبعا مكلف
2- بط
3-حمام اوسمان طبعا لو العدد كبير بلاش عشان مش هتلاحقى
4-لحمه ريش
5-فراخ مشويه
6-كباب حله
7- عرق فلتو بالصوص بتاعه وتحط فوقه عند التقديم
8-ارانب بس فى ناس مش بيحبوها وماتنسيش الملوخيه جنبها وممكن تكون الملوخية علي البط
9- ورقه لحمه
10-كفته مشويه
11- شيش طاووق
12-بفتيك
13-بيكاتا فراخ او لحمه بس اللحمه اطعم طبعا
14-فناجين الكفته
وهى كانك بتعملى كفته عادى بس اعمليها زى الفنجان واحشيها بسله وجزر مسلوقين وع الوش صوص بشاميل ورشه جبنه وع الفرن
15- كفته الفراخ البانيه

ثانيا قائمه النشويات

1-رز خلطه يفضل مع البط او الديك الرومى طبعا
2-طاجن فريك بالكبد والاوانص او اللحمه زى ما نحب بس طبعا الكبد اوفر وده ممكن مع الحمام والبط بيبقى حلو بالشوربه بتاعتهم
3-مكرونه بشاميل بتمشى مع كله
4-رز بالبسله والجزر وقطع الفراخ
5-رز ريزوتو
بيمشى مع الفراخ المشويه والكفته
6-كبسه وعليها اللحمه بتاعتها على وش الطبق

ثالثا النقنقه والخفايف

1-جلاش باللحمه المفرومه
2-كانيلونى
3-سبرينج رول أو سمبوسة
4- بطاطس او كوسه او خرشوف محشى لحمه مفرومه وفى الفرن
5-بطاطس بالكريمه صنيه ف الفرن


رابعا الشوربات

طبعا فى حاجات كتير بس انا بفضل
1- شوربه لسان عصفور عادى
2-شوربه كريمة فراخ

3- شوربه خضار بس مقطع صغير بقطع الفراخ وبرده حبه كريمه

4-شوربة كريمة ماشروم


خامسا السلطات

فى طبعا كتير بس انا بافضل
1- السلطه الخضرا وبعتبرها اساسية
2- مايونيز بالبسله والجزر
3-سلطه زبادى لو عامله محشى ورق عنب
4- سلطه طحينه مع الكفته واللحمه الريش الصنيه
5-توميه مع اى حاجه فراخ بتبقى حلوه

سادسا العصاير

طبعا حاجات رمضان
1-تمر هندى وخروب او خوخ
2- قمر الدين
3- عصير مانجا
4- مشروبات غازيه فى ناس ما بتستغناش عنها

سابعا الحلو

1- حلو خفيف:
--سلطه فواكه
--خشاف
2- حلو تقيل:

الحلويات الشرقيه بانواعها وطبعا غنى عن التعريف
قطايف وجلاش
بسبوسه بسيمه هريسه
كنافه
بلح الشام وصوابع زينب
شكلمه
وممكن الشاتوه انا جربته وعاجبنى

ولي عودة مرة تانية إم شاء الله


__________________
اللهم لك الحمد حتي ترضي ولك الحمد إذا رضيت ولك الحمد بعد الرضا











رد مع اقتباس
  #5  
قديم 07-31-2011, 01:38 AM
الصورة الرمزية فسدقة العفريتة
فسدقة العفريتة فسدقة العفريتة غير متواجد حالياً
سمسمة مشرفة منتدى الإقتصاد المنزلى{ ملكة الشيكولاتة }
 
تاريخ التسجيل: Sep 2010
الدولة: أم الدنيا مصر
المشاركات: 6,802
فسدقة العفريتة عطاءه مستمرفسدقة العفريتة عطاءه مستمرفسدقة العفريتة عطاءه مستمرفسدقة العفريتة عطاءه مستمر
افتراضي



اسمعي ياستي

900){this.width=900}">


اول عزومة

بفتيك وفراخ محمره صينيه رقاق باللحم

مكرونه بيض استكلندى
شوربه لسان عصفور
سلطات(خضره -زبادى-طحينه)
بطاطس شيبس
ومخلل
الحلو كوكتيل


900){this.width=900}">

تانى عزومة

ارز معمر بالفرن
فراخ بالفرن
تورلى لحم وخضار
جلاش باللحم المفروم
وسمبلوسه بالخضار والجبن وشوربه لسان العصفور والسلطات والمخللات


900){this.width=900}">



ثالث عزومة
شيش طاووك او فراخ بانيه
لحم مسلوق ومحمر وشوربه خضار
صينيه كوسه بالبشاميل
سمبوسه او بيف باسترى محشى الى يعجبك
وطبعا السلطات والمخللات
والحلو جلى بالفواكه


900){this.width=900}">



رابع عزومة
كفته لحم يا مشويه يا محمره

صينيه فراخ بالبطاطس
مكرونه بالصلصه ممكن كمان باللحم المفرووم
شوربه عدس وممكن تقطعى الخبز وتحمصيه ويقدم معاه
والسلطات والمخللاتوطبعا عصاير والحلو انا بفضله خفيف كوكتيل جيلى بالفواكه مثلا


900){this.width=900}">




عزومه اخرى
السلطات
سلطة خضرا + وبابا غنوج +وسلطة فاصوليا او بطاطس

المقبلات
سمبوسة باللحمة المفرومة والسبانخ

الشوربة
شوربة خضار
الاطباق الرئيسية

كفتة
فراخ في الفرن
لحمة كباب حلة

الخضار
بامية او اي صنف خضار

الاطباق الجانبية
محشى كوسة او مشكل +جلاش باللحمة المفرومة

ارز طبعا طالما فيه خضار مطبوخ


الحلو :اي كيكة او تشيز كيك +فروت سلاط او كوكتيل

العصاير (مافيش احسن من عصير البرتقال دايما طازة وحلو وممكن عصير فراولة)




900){this.width=900}">



ده بقى حاجه اسبيشيال موش لاى حد
منيو ابن بلد
السلطات:
سلطة خضرا +باذنجان مخلل + سلطة زبادي

الاطباق الرئيسية :
ممبار
فتة كوارع
طحال
مخ


الاطباق الجانبية

محشى ورق عنب


الشوربات :
شوربة خضار

العصائر :
عصير برتقال

الحلو :
مهلبية او ارز باللبن

فواكه

يتبع
__________________
اللهم لك الحمد حتي ترضي ولك الحمد إذا رضيت ولك الحمد بعد الرضا











رد مع اقتباس
  #6  
قديم 07-31-2011, 01:47 AM
الصورة الرمزية فسدقة العفريتة
فسدقة العفريتة فسدقة العفريتة غير متواجد حالياً
سمسمة مشرفة منتدى الإقتصاد المنزلى{ ملكة الشيكولاتة }
 
تاريخ التسجيل: Sep 2010
الدولة: أم الدنيا مصر
المشاركات: 6,802
فسدقة العفريتة عطاءه مستمرفسدقة العفريتة عطاءه مستمرفسدقة العفريتة عطاءه مستمرفسدقة العفريتة عطاءه مستمر
افتراضي

عزومه سمك

السلطات(خضرا بابا غنوج"سلطه زبادى بالخيار"سلطه طحينه)

الشوربه شوربه سى فود(ممكن شويه سمك مقطع على شويه جمبرى وشويه كالمارى )وماتكتريش موش الكل بيحبها

سمك مشوى ومقلى (ياعادى او فيليه نوع واحد)

الجمبرى او سبيط بكزا طريقه حسب الامكانيات
فيه ناس بتحب السمك التعابين
الارز صياديه او احمراو ارز بالبصل

وطبعا العصاير والحلو الى يعجبك


دى عزومه تانية خالص

مبدئيا السلطات والمخلللات والشوربه انا بفضل لسان العصفور

عكاوى (لو ناس منكم وعليكم سيبوها بعضمها) لو حد غريب

يبفضل انكم تفصصصوها

ممبار

وطبعا فراخ للى موش يحب العكاوى وملوخيه

وخبز وارز و صينيه واحده مكرونه بالبشاميل للظروف

الحلو بسبوسه وكاستر بالمكسرات


كفاية ولا أكمل كمان؟





محدش رد عليا يعني؟


ماشي

قابلي بئه ياستي شوية نصايح للتجهيز الفعلي عالماشي كده


__________________
اللهم لك الحمد حتي ترضي ولك الحمد إذا رضيت ولك الحمد بعد الرضا












التعديل الأخير تم بواسطة فسدقة العفريتة ; 07-31-2011 الساعة 01:59 AM
رد مع اقتباس
  #7  
قديم 07-31-2011, 02:09 AM
الصورة الرمزية فسدقة العفريتة
فسدقة العفريتة فسدقة العفريتة غير متواجد حالياً
سمسمة مشرفة منتدى الإقتصاد المنزلى{ ملكة الشيكولاتة }
 
تاريخ التسجيل: Sep 2010
الدولة: أم الدنيا مصر
المشاركات: 6,802
فسدقة العفريتة عطاءه مستمرفسدقة العفريتة عطاءه مستمرفسدقة العفريتة عطاءه مستمرفسدقة العفريتة عطاءه مستمر
افتراضي






يفضل أن تجهز كل الصواني قبل العزومة بيوم و تغطى بالبلاستيك جيدا و تحفظ في الثلاجة على أن تخرج من الثلاجة في يوم العزومة و تسوى في الفرن.

- البوفتيك , الكبيبة , تتبيل الدجاج و اللحوم , من الأفضل أن يكون مجهزا و محفوظ في الفريزر لحين وقت الإستعمال .

- يمكن عمل السلطات مبكرا في يوم العزومة , و تغطى بالبلاستيك و توضع على البوفيه, و في النهاية يرفع البلاستيك و تصبح جاهزة للتقديم.

- عدم الإكثار من المقليات في العزومة أفضل بكثير خاصة إذا كان العدد كبيرا , لأن الأطباق المقلية لابد و أن تقدم و هي ساخنة , و قد تستغرق عملية القلي مدة طويلة.

- لو عاملة اي اكلة فيها مكسرات زي الرز بالخلطة مثلا من الأفضل تتحمص قبل العزومة بيوم عشان بجد بتاخد وقت و الوقت بيبقى ضيق

- يمكن عمل الحلويات قبل العزومة بيوم و حفظها في الثلاجة و بذلك نكون قد انتهينا من الحلويات و أصبحت جاهزة للتقديم.
الحلويات التي يمكن عملها هي البسبوسة(تغطى بالبلاستيك جيدا) , البقلاوة(تغطى بالبلاستيك جيدا) , الترايفل , التورتات بأنواعها, الكيك كذلك يمكن عمله و تجهيزه و تغطيته بالبلاستيك جيدا و أي حلوى مثلجة فهي في الأصل يجب أن تحفظ في الثلاجة طوال الليل.

- الأطباق و الأكواب و الكاسات و الفوط و الفضيات , يجب أن تكون نظيفة و مجففة متحضرة و جاهزة للإستعمال



التحضير لعمل البوفيهات


أولا لابد أن نعرف أن كل بوفيه لابد و أن يحتوي على الأصناف الآتية :



المشهيات و السلطات
لابد أن يحتوي كل بوفيه على نوعين على الأقل من السلطات , و اما أن تقدم كل نوع على حده أو تقدم كل الأصناف في طبق واحد كبير.



الشـــوربة

نوع واحد من الشوربة يكفي في العزائم و خاصة اذا كان عدد الأفراد ليس كبيرا.



اللحوم
يعتبر طبق اللحوم من أهم الأطباق المقدمة في البوفيهات, فهو أهم الأطباق الرئيسية , لذلك يجب أن يكون هناك طبق أساسي من اللحوم فخد , و طبق أو طبقين آخرين جانبيين على حسب عدد الأفراد المدعوين.



النشـــويات

مثل الأرز و المكرونة و الرقاق و المحاشي .
و المفروض ألا يكرر صنف منهم , فبدلا من عمل طبقين من الأرز , يجب التنويع و عمل طبق من الأرز و طبق من المكرونة مثلا.



الخضر

صنف واحد من الخضر يكفي , فالاقبال على الخضر في العزومات يكون ضعيفا.
و تكون على هيئة خضر محشوة أو طواجن في الفرن.



الحلوى

تقديم الحلوى بعد الطعام من الأشياء الضرورية و الهامة , و لكن اعداد الحلوى يأخذ كثيرا من الوقت و تكون ربة المنزل منشغلة في تحضير القائمة الأساسية للطعام . لذلك فاختيار أصناف من الحلوى سريعة التحضير و في نفس الوقت تكون من الأصناف التي يمكن تجهيزها قبل موعد العزومة بيوم حتى تكون متفرغة تماما في يوم العزومة لاعداد الأصناف الساخنة.
و من هذه الأطباق البسبوسة , البقلاوة , الحلويات المثلجة بكل أصنافها.

وخدي عندك شوية منيوهات علي مزاجك

انا هابتدي بالمنيو المفضل بالنسبة لي

الشوربة
شوربة طماطم بالكريمة

المقبلات
محشى ورق عنب
جلاش بالجبنة البيضة و الزعتر

السلطات
طبعا سلطة خضرا و عشان التميز بعملها بالمايونيز
سلطة الذرة بالفاصوليا الحمرا

الطبق الرئيسي
بيكانا لحمة
فراخ بانيه بالثوم و البقدونس (بتبقى طبقتين و بينهم الحشوة
لو العدد كبير باضيف صنف تاني بروتين

الخضار
خرشوف و طماطم محشية باللحمة المفرومة
مسقعة باللحمة و الزبيب

الحلو
شيز كيك



منيو تاني بخطوات تنفيذه والتخطيط له قبل العزومة

الشوربة
شوربة الطماطم بالريحان

السلطة
فتوش

أطباق رئيسية
اللحم البتلو المحشو بالخضراوات

كفته بالمشروم والصوص الحار

صدور الديك مع صلصة الفلفل

أطباق جانبية
أرز بالقرفة

خرشوف بالبطاطس والبسله

لاز نيا الخضراوات

الحلويات
بارفيه الشيكولاته الغني

البلح بالمارينج والكريمه



اليوم السابق للعزومه

1.يحشى اللحم ويرص في الصينية

2.تحضر وتشكل الكفته. يحضر الصوص ويوضع في الثلاجة


3. تحضر اللازنيا. وتغلف الصينية جيدا بالفويل وتوضع في الثلاجة.

4. يحضر الأرز (تحمير المكسرات ويطهي اللحم المفروم )

5. يحضر الديك ويطهي ثم يلف بالفويل ويوضع بالثلاجه.

♦يوم العزومة :
11:00am

تطهى الشوربة

يجهز طبقي الحلوى و يوضع في الثلاجة.

1:00pm تجهز السلطة. يجهز الدريسنج ويوضع جانبا

2.30pm

يخرج الديك من الثلاجة ويتم عمل الصوص الخاص به

3.30pm يحضر ويطهي الخرشوف

4.30pm

يطهي اللحم في الفرن

تحمرالكفتة وتوضع في الصلصة لتطهى

يتم طهي الأرز

6:00pm توضع اللازنيا في الفرن.

6.30pm

يسخن اللحم والكفته.

يوضع الدريسنج على السلطة

يسخن الأرز والشوربه والصوص


وبألف هنا وعافية ورمضان كريم

يارب أكون افدتك فعلاً وكفاية كده عشان أعرف أروح شغلي

يابنات

تصبحوا علي خييييييييييييييير

ورمضان كريم



__________________
اللهم لك الحمد حتي ترضي ولك الحمد إذا رضيت ولك الحمد بعد الرضا











رد مع اقتباس
  #8  
قديم 07-31-2011, 04:27 AM
الصورة الرمزية همس الحنين
همس الحنين همس الحنين غير متواجد حالياً
سمسمة مشرفة منتدى مشروبات وآيس كريم
 
تاريخ التسجيل: Dec 2009
الدولة: امريكا
المشاركات: 3,030
همس الحنين عطاءه مستمرهمس الحنين عطاءه مستمرهمس الحنين عطاءه مستمرهمس الحنين عطاءه مستمر
إرسال رسالة عبر MSN إلى همس الحنين
افتراضي

انا فعلا شايفه ان كلام فسدقه صحيح 100%

بس اعزريني يا ام السكر والله انا على ادى فى موضوع الاكل ده بردوا والعزايم
مش زيكم طبعا
بس ماشاء الله على فسدقتى
استاذه ورئيسه قسم ككمان
بس انا عن نفسى استفدت من كلام فسدقه جداااا



رد مع اقتباس
  #9  
قديم 07-31-2011, 08:31 AM
الصورة الرمزية أم السكر والعسل
أم السكر والعسل أم السكر والعسل غير متواجد حالياً
سمسمة مشرفة منتدى الطبخ
 
تاريخ التسجيل: Nov 2009
الدولة: الجيزة
المشاركات: 2,891
أم السكر والعسل مدهشأم السكر والعسل مدهشأم السكر والعسل مدهش
افتراضي

اشكرك ياهمس
على تفاعلك معى
رد مع اقتباس
  #10  
قديم 07-31-2011, 08:33 AM
الصورة الرمزية أم السكر والعسل
أم السكر والعسل أم السكر والعسل غير متواجد حالياً
سمسمة مشرفة منتدى الطبخ
 
تاريخ التسجيل: Nov 2009
الدولة: الجيزة
المشاركات: 2,891
أم السكر والعسل مدهشأم السكر والعسل مدهشأم السكر والعسل مدهش
افتراضي

اشكرك يافسدقة جداجدا
والله انا كان مخى تعبان اوى من التفكير
بس بصرحة ريحتنى جدا
خليكى شطرة وتعالى اعملى معاية ههههههههههههههه
رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:41 AM.


Powered by vBulletin® Copyright ©2000 - 2014, Jelsoft Enterprises Ltd. TranZ By Almuhajir