المساعد الشخصي الرقمي

مشاهدة النسخة كاملة : يا رب تكونوا بخير


حبيبة قلبه
02-03-2011, 09:17 PM
ازيكوا يا سمسمات يا رب تكونوا بخير
طمنوني عليكوا عاملين ايه
في الظروف الوحشة دي اللي بنمر بيها
يا رب تعدي بسلام وترجع مصر تاني بلد الامن والامان زي ما كانت
وان شاء الله هتفضل كده علي طول
ادعوا ربنا يزيح الغمة

فسدقة العفريتة
02-03-2011, 09:29 PM
بالنسبة لي هنا في المنصورة يا حبيبة أعتقد إن الجو أهدي شوية مما سبق

الخوف كله عليكو انتو في القاهرة وبرضه بيتهيألي باقي

المحافظات الأمور هديت فيها شوية عن الأول بس ربنا يسترها

بكره في جمعة الرحيل دي ويجيب العواقب سليمة

وربي اللي بيحصل في مصر ده حرام مصر ما تستاهلش مننا كده

أبداً ياناس

والله ياحبيبة أنا قلبي واجعني علي بلدنا دي ومبقيتش باقدر أفتح

التليفزيون ولا أبص عيه خالص ربنا يحمي مصر وينصرها علي

أحقاد الغير

اللهم آمين

ميس بيبو
02-03-2011, 09:33 PM
انا حزينة حزينة حزينة يا حبيبة علي بيحصل قلبي يعتصر حزنا بلي عندنا أنا بسأل العزيز ألغفار ان يرحم مصر ام الدنيا من الفتنة دي

ebtehal fawze
02-03-2011, 09:44 PM
والله يا حبيبة انا لحد دلوقتى مش قادرة اصدق البيحصل دا لمصر انا حاسة انى فى حلم وحينتهى على خير انشاء الله
مع دعوتنا ودعوات كل المصرين ستنزاح هده الغمة باذن الله

اتوته بطوطه
02-04-2011, 12:22 AM
السلام عليكم يا احلى سمسمات ... وحشتونى أوى... ربنا يجازى اللى كان السبب فى الخراب والدمار اللى حصل فى مصر....بس انتو عارفين انا قلبى بيقولى ان اللى جاى احسن وافضل بكتير ان شاء الله..وان اللى ربنا كاتبه لمصر فى الأيام اللى جايه حيكون خير وسلام ان شاء الله... كان لازم يحصل حاجه قويه زى كده عشان كل واحد يقف مع نفسه وقفه حق وصدق وعشان نبنى بلدنا من اول وجديد بس على نضافه ومن غير تزوير ولا فساد وربنا حيعينا ويقوينا ويجعل ايام ولادنا افضل من ايامنا انشاء الله.....

فسدقة العفريتة
02-04-2011, 12:34 AM
الحمد لله آدي سمسماية كمان من مصر ظهرت بعد غيبة وكانت

مستخبية عقبال يارب مانطمن علي بقية السمسمات جوجو وروكا

روكي وداليا وسندريللا ربنا يرجعهم لينا بألف سلامة يارب

أتوتة طمنيني عليكي وعلي الولاد وعلي ماما وروكا وأخوكي اللي

في القاهرة يارب تكون الأمور كلها علي مايرام يارب

حبيبة قلبه
02-05-2011, 11:10 PM
الحمد لله انكونو ا طمنتوني عليكوا
ازيك يا شيرين ويا ميس بيبو وebtehal fawze واتوتة بطوطة
الحمد لله انكوا بخير وان شاء الله نطمن علي باقي السمسمات
الحمد لله انا مكنتش في القاهرة اليومين اللي فاتو دول
انا كنت في بورسعيد في بورفؤاد الاحوال عندنا الحمد لله هادية جدا
المعديات كانت بتبطل بدري جدا
والشباب كانوا بيسهروا طول الليل عند المعدية
وشباب المنطقة كان بيسهر طول الليل تحت العماير بصراحة كنا في امان
القسم اللي عند البيت الحمد لله زي ما هوا محصلوش حاجة
وده بفضل الله وشباب المنطقة هما اللي حموه

فسدقة العفريتة
02-06-2011, 12:02 AM
الحمد لله انكونو ا طمنتوني عليكوا

ازيك يا شيرين ويا ميس بيبو وebtehal fawze واتوتة بطوطة
الحمد لله انكوا بخير وان شاء الله نطمن علي باقي السمسمات
الحمد لله انا مكنتش في القاهرة اليومين اللي فاتو دول
انا كنت في بورسعيد في بورفؤاد الاحوال عندنا الحمد لله هادية جدا
المعديات كانت بتبطل بدري جدا
والشباب كانوا بيسهروا طول الليل عند المعدية
وشباب المنطقة كان بيسهر طول الليل تحت العماير بصراحة كنا في امان
القسم اللي عند البيت الحمد لله زي ما هوا محصلوش حاجة
وده بفضل الله وشباب المنطقة هما اللي حموه


حبيبة إزيك وازي بورسعيد الجميلة وأهلها علي فكرة أنا من

عشاق بورسعيد بجد وأنا الحمد لله بخير والنهاردة اطمئنيت

علي جوجو وروكاروكي كده يبقي باقي مين يابنات داليا في

الاسكندرية وسندريللا مش عارفة فين يمكن في الاسكندرية

برضه أو القاهرة مش متذكرة المهم عاوزين نطمئن عليهم بأي

طريقة بس مش عارفة ازاي وكويس يانوجي انك مكنتيش في

القاهرة الأيام اللي فاتت دي ربنا يعديها علي خير للآخر والحمد

لله ان بورسعيد حبيبتي بخير ودايماً مصر كلها بخير إن شاء الله

رب العالمين
gjfxjgfgjfxjgfgjfxjgf

حبيبة قلبه
02-06-2011, 03:00 PM
الحمد لله يا شيري يارب نطمن علي باقي السمسمات
داليا في الاسكندرية وسندريلا تقريبا في القاهرة
وام السكر والعسل وباقي السمسمات علشان منساش حد
يارب نطمن عليهم كلهم

فسدقة العفريتة
02-06-2011, 08:49 PM
الحمد لله يا شيري يارب نطمن علي باقي السمسمات
داليا في الاسكندرية وسندريلا تقريبا في القاهرة
وام السكر والعسل وباقي السمسمات علشان منساش حد
يارب نطمن عليهم كلهم


الحمد لله النهاردة اطمنت علي سندريللا وبالنسبة لأم السكر

دخلت من ساعة ما النت رجع مصر الحمد لله واطمنا عليها

لسه بقي داليا محدش يعرف عنها حاجة ربنا يسترها ويطمنا

عليها يارب وبرضه ميس بيبو مختفية بقالها فترة أصلها

ياعيني في قلب الأحداث المشتعلة في الهرم

فسدقة العفريتة
02-09-2011, 10:23 PM
وآآآآآآآآآآآآآآآآآآآآآآدي ميس بيبو رجعتلنا تاني الحمد لله

حمدلله علي سلامتك يانونا نورتي المنتدي والحمد لله اننا اطمنا

عليكي ياجميل

كده يبقي لسه مين يابنات

داليا برضه محدش عارف عنها اي حاجة ربنا يطمنا عليها يارب

وترجعلنا بالسلامة

gjfxjgfgjfxjgfgjfxjgf

روكا روكى
02-10-2011, 07:29 PM
فكرتك حلوة اوى يا حبيبة
دايما سباقة بالخير يارب
انا كويسة الحمد للة مرثى ليكى ولشرين على سوالكو عنى انا كويسة بس كنت مكتابة الحمد للة بقيت احسن وبحاول ارجع لحياتى الطبيعية وادخل المنتدى الحلو بتاعنا وانا كنت بطمن عليكو من اختى اتوتة بطوطة

اتوته بطوطه
02-11-2011, 01:29 AM
ازيكو يا سمسمات الحمد لله اننا اطمنا على بعض ويارب نطمن على الباقين ... داليا وكمان القطه الشقيه يا سمسمات ماحدش يعرف عنها حاجه ؟؟ يارب يكونوا بخير اللهم أمين

داليا
02-13-2011, 10:20 AM
رجعت الحمد لله وميرسي لسؤالكم يارب والله انا حاسة اني مع اخواتي بالظبط ربنا ما يحرمني منكم
انا كنت في القاهرة عند ماما ومعرفتش ارجع عشان الطريق بس الحمد لله
قدر الله وماشاء فعل
ويارب اللي جاي يبقي افضل والبلد تبقي في تقدم
احسن الفترة اللي فاتت دي كانت صعبة اوي